ڕۆژا دووشەمبی ڕێــککــەفتی (٢٣-٩-٢٠٢٤) سەنتەرێ زمان ل زانکۆیا زاخۆ، خۆلا زمانێ ئینگلیزی گەڕا (١٣)ـێ ل زانکۆیا زاخۆ دەستپێکر.
خۆل ب هەماهەنگی دناڤبەرا وەزارەتا خواندنا بلند و ڤەکۆلینێن زانستی و سەنتەرێن زمانان یێن زانکۆیێن حکومی ل هەرێما کوردستانێ و دەزگەهێ ئیمپیریال ل وەڵاتێ بریتانیا بڕێڤەدچیت
ئەڤ خۆلە بۆ ئەوان پشکدارێن حەزا خواندنا بلند (ماستەر و دکتۆرا)ـیێ هەی، هەروەسا بۆ جێبەجێکرنا دەستکەفتێن ئەکادیمی وەک (بدەستڤەئینانا ناسناڤێ زانستی).
هەژیە بێژین؛ خۆل ژ چار ئاستان پێکدهێت و هەر ئاستەک بۆ دەمێ دو هەیڤان دهێتە خواندن. ل دویف ڕێنمایێن وەزارەتا خواندنا بلند پێشکێشکار بۆ خواندنا ماستەرێ یان ناسناڤێ زانستی د بیاڤێن زانستێن مرۆڤایەتی پێدڤیە ئاستێ (ئینترمیدیەت) ب سەرکەفتیانە ب دوماهیک بینیت، بۆ پێشکێشکارێن پشکێن زانستی و خواندنا دکتۆرایێ، پێدڤیە ئاستێ (ئەدڤانس) ب سەرکەفتیانە ب دوماهیک بینیت.
بۆ ڤێ گەڕێ (٢٠٠) پشکداران ناڤێن خۆ تومارکرینە و بەردەوامن ل سەر خواندنا خۆ و ژ وان (٨٥) پشکدار ب شێوەیێ سەرهێل (ئۆنڵاین) و (۱۱٥) ب شێوەیێ دناڤ پۆلێ دا (کلاسڕووم) دخوینن.

مامۆستایێن خۆلێ:
پ. ھ. ایڤان حسن مراد (ئاستێ ئەدڤانسد/ دناڤ پۆلێ دا).
پ.ھ. هۆزان گۆرگین عثمان (ئاستێ ئیلێمینتەری گ.ا/ دناڤ پۆلێ دا).
م.ھ. لاوەند إکرام محمد (ئاستێ ئیلێمینتەری گ.ب/ دناڤ پۆلێ دا).
م.ھ. حەسەن حسین کرو (ئاستێ ئینترمیدیەت/ دناڤ پۆلێ دا).
م.ھ. هالا سعداللە یونس (ئاستێ ئیلێمینتەری گ.ا/ ئونلاین).
م. ھ. زهرا عبدالرحمن کرم (ئاستێ بیگینەر/ ئونلاین)
ڕێڤەبەرییا سەنتەرێ زمانان.
زانکۆیا زاخۆ.